2 र 3 जुलाईको राती अर्थात् आषाढ कृष्ण पक्ष अमावस्या, १७ असार २०७६, मङ्गलवारका दिन खग्रास सूर्य ग्रहण लाग्दैछ । यद्यपि यो ग्रहण नेपाल र भारतवर्षमा बस्ने कसैले पनि देख्न पाउने छैनन्, त्यसैले धार्मिक मान्यतानुसार यस ग्रहणका निमित्त कुनै किसिमको विधिविधानको पालना गर्नु पर्दैन, तर जुनजुन देशमा यो ग्रहण देखिन्छ, त्यहाँ बसोबास गर्ने सनातन हिन्दू धर्मावलम्बीले यस ग्रहणको सूतक बार्नु राम्रो हुन्छ । धार्मिक रूपमा यसको विधिविधान हामी नेपाल वा भारत जहाँ ग्रहण देखिंदैन, त्यहाँ बसोवास गर्नेले कुनै नियम बारना गर्नु नपर्ने भए पनि यो एउटा खगोलीय घटना भएको तथा सूर्य, चन्द्रमा र पृथ्वीको विशेष परिस्थितिबाट सिर्जना हुने भएकाले ज्योतिषीय दृष्टिकोणले यस ग्रहणको पनि केही न केही सामान्य प्रभाव संसारभरि बस्ने व्यक्तिहरूमा लागु हुने गर्दछ, तर त्यो ग्रहण लाग्ने इलाकाका तुलनामा अन्य क्षेत्रमा सामान्य हुनेछ ।
No comments:
Post a Comment